Fórnarlömb "Forsendubrestsins 2008", Sigtúnshópurinn

 

Þessi uppfjöllun fjallar um hverjir eru raunveruleg fórnarlömb hins svokallaða forsendubrests.

     Meðfylgjandi línurit sýnir hlutfall hækkunar á lánskjara- og launavísitölu milli ára (miðað er við júní vísitölu hvers árs). Eins og sést á Forsendubresturinn 2008 sér hliðstæður frá fyrri tíð. En árið 1983 átti sér stað jafnstór brestur og 2008. Kringum þennan forsendubrest var stofnaður Sigtúnshópurinn og man ég ekki betur en núverandi innanríkisráðherra hafi verið virkur í þessum hópi. Á þessum tíma var ekki talað um forsendubrest en útkoman var allavega vaxtabætur til þeirra sem verst voru staddir. Árið 1987 varð síðan "öfugur forsendubrestur" og auðvitað kvartaði enginn enda verðbólgan í 30% og  allt verðskyn löngu horfið.  Þetta happ fyrir lántakendur þurrkaðist síðan út árið 1989 þegar nýr forsendubrestur át upp happið. Frá 1991 til 2005 er verðbólgan í landinu innan við 5% og var það hinni svokallaðri þjóðarsátt að þakka.

     Í dag tala lántakendur síðustu ára um sig sem fórnarlömb forsendubrests og vissulega hafa þeir margir hverjir þunga byrði að bera. Það má benda þeim á hópurinn sem lenti í forsendubrestinum 1983 er líka að lenda í forsendubrestinum 2008. Þessi kynslóð er að fá á sig 30% lífeyrisskerðingu. Innan tíu ára fer þessi kynslóð á lífeyrir og á ekki möguleika á að vinna upp þessa skerðingu á þessum stutta tíma sem er fram að lífeyristöku. Þetta gildir reyndar ekki um opinbera starfsmenn, þar er ríkissjóður lífeyrissjóðurinn.

Við skulum vona að fórnarlömb síðasta forsendubrest  upplifi ekki annan forsendubrest eftir 30 ár. Getum við treyst á íslensku krónuna ?

Nýjan forseta eða bara engan forseta

Leikritið sem forsetinn stillir upp gengur eftir áætlun. Eftir helgina mun hann kalla til sín ýmsa aðila til að ráðfæra sig við. Hann mun einnig ná athygli erlendra fjölmiðla og láta þá hjálpa sér að gefa Bretum og Hollendingum langt nef og fær þannig tækifæri til að vinna sig í álit meðal landsmanna. Málið mun enda á því að hann tilkynni, að eftir að hafa legið undir feldi og ráðfært sig við ýmsa aðila ásamt því að hafa hlustað á raddir fólksins þá sé það hans niðurstaða að hyggilegast sé að skrifa undir lögin. Enda vill hann ekki hindra að efnahagsbati geti átt sér stað á árinu. Því miður hafa Íslendingar kosið yfir sig vanhæfan forseta. Þeir sem vilja tjá hug sinn ættu að staðfesta það á "facebook" á slóðinni:

http://www.facebook.com/group.php?v=info&gid=59174102358

Afhenda forseta undirskriftir

Sama gamla sagan

Heldur fólk virkilega að forsetinn geri annað en að stimpla Icesave-lögin. Ætlar fólk virkilega að láta draga sig inn í leikritið, sem hann er að stilla upp og ætlar að leikstýra með hjálp svokallaðra álitsgjafa og öðrum þrælum.

Forseti tekur sér frest

OKKAR ÍSLAND - ÁSKORUN

VEK ATHYLGI Á HÓP SEM ER Á FACEBOOK. ( SJÁ: http://www.facebook.com/home.php?ref=home#/group.php?gid=193245508003) ÞARNA ER FÓLK SEM SAMEINAST UM EFTIRFARANDI:

 

Um þessar mundir eru fjórtán mánuðir síðan "hrunið" átti sér stað á Íslandi. Í kjölfar þess var þorri landsmanna á þeirri skoðun að byggja þyrfti upp nýtt Ísland og voru slagorðin gegnsæi og heiðarleiki mest áberandi í umræðunni. Mikill hugur var í landsmönnum strax eftir hrunið og sáu flestir fyrir sér að í lok árs 2009 væri farið að birta til. Hver er svo staðan í dag? Þegar mest ríður á að framkvæmdavald og löggjafarvald vinni saman að úrbótum er allt í háa lofti. Mikil leynd er yfir öllu því sem fram fer í bönkum landsins og stjórnkerfi. Útlit er fyrir að dómstólar landsins verði hálf óstarfhæfir vegna fjárskorts. Kunningjasamfélagið virðist alls staðar þvælast fyrir. Það má öllum vera ljóst að ef ekki tekst að vinna að endurreisninni svo flestir verði sáttir munu afleiðingar hrunsins fylgja okkur inn í langa framtíð. Við sem að þessum hópi stöndum teljum að íslensk stjórnvöld og íslenskt stjórnkerfi ráði á engan hátt við endurreisnina svo viðunandi verði. Því krefjumst við þess að stjórnvöld leiti til vinaþjóða okkar á Norðurlöndum og óski eftir að þau veiti okkur aðstoð við uppbyggingarstarfið. Þar eru stofnanirnar til sem kunna að fást við fyrirliggjandi verkefni. Þeirra helsta viðfangsefni verði að sjá til þess að réttlætinu verði fullnægt eins og frekast er kostur og sjá til þess að halda kunningjasamfélaginu utan við ákvarðanatöku

Forseti lýðveldisins hagnast um 4 Mkr

Síðastliðinn föstudag barst tilkynning úr forsetahöllinni á Bessastöðum að forseti Indlands, Pratibha Patil og indversk stjórnvöld, hafi boðið forseta Íslands  að koma í opinbera heimsókn til Indlands í janúar næstkomandi og taka  við Nehruverðlaununum.  Reyndar var það í apríl 2008, sem landslýð var tilkynnt að forseti vor hafi skipað sér á bekk með Robert Mugabe og fleiri misheppnuðum þjóðarleiðtogum og hlotið hin eftirsóttu Nehruverðlaun. Þá þótti ástæða til að nefna að með viðurkenningarskjali fengi forsetinn 5mill rúpíur eða 9 mill krónur. Sennilega hefur láðst að nefna það í tilkynningunni á föstudaginn að þessar rúpíur væru nú orðnar að 13mill kr. Er ekki gott fyrir Steingrím að vita að þessu.

Furðuleg þjóð þessir Íslendingar

     Í dag var verið að stíga fyrsta skrefið til nýbyggingar Landspítalans. Fjárfesting upp á aðeins 33.000Mkr. Var ekki verið að ræða um það fyrir tíu mánuðum síðan hvort við ættum að klára Tónlistarhúsið fyrir hvorki meira né minna en 12.000Mkr. Við stukkum á það. Stendur ekki til að skera duglega niður kostnað í ríkisgeiranum og þá aðallega  hjá spítölunum. Vöruskriftajöfnuðurinn það sem af er árinu dugir ekki til að borga bara vextina af "Icesave". Til stendur að taka þennan nýja spítala í notkun 2016 á sama ári og við byrjum að borga afborganir af "Icesave". Ætli það þurfi ekki blóðugan niðurskurð til að standa við þær skuldbindingar. Þetta getur aldrei gengið upp. Þurfum að byggja upp atvinnulíf sem skaffar okkur gjaldeyrir, er það ekki mergurinn málsins ?

ErrErrErr

Viljayfirlýsing undirrituð

Kæri Fitch

Kæri Fitch

Má ég nokkuð benda þér á að þegar "fjármálakerfi okkar þróaða hagkerfis" stóð á veikum stoðum fyrir ári síðan gafst þú okkur einkunnina A og þaðan af betra. Þarft þú ekki að líta í eigin rann.

 

Kveðja

ErrErrErr

Ísland fær lægstu einkunn

Þakka yður herra forseti

Sæll Ólafur

Þakka þér fyrir að taka upp hanskann fyrir þjóðina eins og þú gerir ætíð við hvert tækifæri enda ertu afar vinsæll meðal okkar landsmanna. Já þú hefur barasta tekið heimspressuna í kennslustund svona á fyrsta degi. Auðvitað var þetta allt Evrópusambandinu að kenna, sem tróð upp á okkur glötuðu regluverki. Þetta höfum við alltaf sagt. Það er samt eitt sem ég er ekki að fatta, af hverju skrifaðir þú þá undir Icesave-frumvarpið, æ þú veist þetta er bara ég.

Kveðja

ErrErrErr

 

Íslensku bankarnir störfuðu samkvæmt reglum

Góða ferð forseti

Sæll Ólafur

     Það gladdi mig mjög að sjá að þú fékkst loksins tækifæri til að komast út fyrir landsteinana og slærð margar flugur í einu höggi með þessari ferð. Við landsmenn höfum orðið fyrir miklu áfalli, sem er ekki á nokkurn hátt þér að kenna. Stöndum við í þakkarskuld við þig þar sem þú hefur síðustu mánuðina einbeitt þér að því að hvetja fólk til dáða og kunnum við landsmenn það vel að meta eins og skoðanakannanir sýna. Já það er vel til fundið að fá þig til að fjalla um loftlagsmál og orkumál enda með Dr.gráðu í stjórnmálafræðum. En sterkastur ertu þegar að fjármálum kemur enda varstu vinsæll fjármálaráðherra hér á árum áður og lék allt í lyndi í þinni tíð. 

Ég óska þér góðrar ferðar og komdu helst ekki aftur.

Forsetahjónin í Bandaríkjaheimsókn